علق الإعلامي تامر أمين، على بعض من يدعون إن الاحتفال بالمولد النبوي الشريف بدعة وأن الاحتفال به حرام شرعا.
وقال أمين خلال برنامج "أخر النهار" المذاع على قناة "النهار": "كل سنة وكل الامة المصرية والعربية والإسلامية بخير غدا مولد النبي الهادي الأمين الشفيع محمد صلوات ربي وسلامه عليه والحقيقة أن مولد النبي ذكري جميلة في قلوبنا جميعا وذكري يجب أن تظل حية في نفوسنا ووجداننا كمسلمين إلى أن يرث الله الأرض وما عليها".
وأضاف: "فكرة مولد النبي مش هخدها بمنطق الناس اللي بتقولك أيوة نحتفل وبعد المتزمتين اللي بيقولوا الاحتفال بدعة وانا عندي رأي هقوله وأجرى على الله أنه لا بدعة في ان أنا أفرح بمولد من أنقذني من الظلام واخذ بي إلى النور".
وتابع: "مستحيل تبقى بدعة أني أفرح وابتهج وأحيي سنة المصطفى وهو اللي كشف الغمة واضاء للامة طريق الحق والهداية معنديش مشكلة أن بعض الناس اللي بتحتفل غلط تبقى مشكلتهم في طريقة الاحتلال".
وأكمل: "النبي صلي الله عليه وسلم حين سئل عن أسباب صيام يوم الاثنين قال هذا يوم ولدت فيه وكان بيحتفل أنه بيصوم الاحتفال في حد ذاته ليس مشكلة ولكن طريقة الاحتفال هي اللي تبقى ازاي؟ أي احتفال بسيدنا محمد تكون بإحياء سنته واتباع نهجه بس في المعاملات لان للأسف الشديد كتير من المسلمين بيمسك في العبادات يقولك أنا بصلي لحد رجليا ما تدوب وبصلي وبذكي هو الدين نزل للصلاة والصوم والذكاة بس؟ قولا واحد لا".
وأوضح: "انما بعثت لاتمم مكارم الاخلاق بص بقي وأنت بتصلي وبتقول السلام عليكم ورحمة الله وبركاته بتشتم مين وبتغش مين وبتسرق مين حاجات كتير أوي ولكن في الصلاة عداك العيب نفسي يبقي عداك العيب في الصلاة والمعاملات والسلوك".
){kind=link}