الدولار يظهر داخل على ايام صعبة في الفترة الجاية.. ايه اللي هيحصل للوحش الأمريكي بعد التطورات الأخيرة في سوق الاستثمار وبعد نشر كواليس صفقة رأس بناس وحصيلة زيارة الدكتور مصطفى مدبولي للسعودية.. خليكم معانا للآخر وهتعرفوا التفاصيل في الفيديو ده
الحقيقة في الساعات والأيام الأخيرة مصر كانت عايشة اخبار سعيدة جدا على المستوى الاقتصادي تحديدا ودا بعد الاخبار الحلوة اللي بنسمعها من كام يوم عن المؤشرات والقرارات الاقتصادية ودا لأن أي تقدم او اخبار مفرحة في الاقتصاد اكيد بتسعد الناس كلها واللي منتظرة تحسن أحوالها المعيشية وانتهاء الشهور الصعبة اللي مرت عليها..
طبعا كل الكلام دلوقتي في مصر والوسط الاقتصادي عن التطورات السريعة في ملف الاستثمارات الخارجية ودي اهم ملف دلوقتي قدام الحكومة لانه بيوفر حلول سريعة ومباشرة لمشاكل كتير في مصر أولها استقرار سوق الصرف مع ضخ عملة أجنبية بمبالغ ضخمة ودا هينعكس بالتالي على سعر الدولار واللي متوقع ينزل اكتر مع زيادة المعروض من الدولار ودا بردوا معناه إن أسعار السلع المستوردة هتنزل في السوق المحلي واي هبوط في الأسعار هو الهدف الأهم للحكومة والمواطن وهو اللي كل المسؤولين بداية من الرئيس السيسي لغاية اصغر موظف عاوز يوصله لأن مفيش معنى لاي تنمية وتطور. اقتصادي مش بيحقق الرخاء للمواطن أو يوفره حياة مريحة.
طيب ليه الاستثمار هو اهم ملف دلوقتي في مصر ؟
عشان زي ماقلنا دا للملف اللي الحكومة مش بتصرف عليه بمعني أن الحكومة بتستقبل تدفقات دولارية كبيرة لعمل مشروعات وفي نفس الوقت المشروعات دي بتوفر ملايين فرص العمل وتشغل الشباب وهتدعم سوق الصرف وتحقق انتعاشة كبيرة في حركة التجارة والمال ودا من غير ما يكلف الدولة اي مبالغ على عكس جهات تانية بتجيب دولارات لكن الدولة بتصرف عملة صعبة قصادها عشان تروج ليها زي السياحة مثلا الدولة بتصرف عليها دعاية دولية وبنية أساسية وتأمين وحراسة لكن الاستثمار شخص أو شركة بيحط فلوسه عندك وبيصرف ببذخ في نشاط اقتصادي.
طيب الدولار رايح على فين بعد الصفقات الأخيرة ؟
طبيعي وبعد كل اللي قلناه أننا نفهم أن أي تدفقات دولارية فورية أو مجرد الإعلان عنها بيكون ليه تأثير مباشر على سوق الصرف وسعر الدولار واللي بقي بيخضع لقانون العرض والطلب واي اخبار عن صفقات جديدة أو مشروعات أجنبية أو تسهيلا تمويلية دا بيكون ليه تأثير مباشر على أسعار الدولار واللي بتنزل طبعا واكيد بعد الإعلان عن تجهيز منطقة رأس بناس للاستثمار المصري والعربي والاجنبي واللي متوقع تكون أكبر من استثمارات صفقة راس الحكمه يعني بنتكلم في اكتر من 35 مليار دولار بشكل مبدئي وبعد نتائج زيارة الدكتور مصطفى مدبولي الأخيرة للسعودية والمليارات السعوديه اللي جاية واعلن عنها ولي العهد سعر الدولار هياخد في التراجع والهبوط الفترة الجاية ودا اللي هنشوفه في الأيام الجاية في البنوك.
وفيه ميزة تانية بخصوص التطورات الأخيرة في سوق الاستثمار في مصر وتأثيرها على سوق الصرف وهي إن الاستثمار بيجيب استثمار والفلوس بتجيب فلوس والاستدامة في التدفقات أهم حاجة في القطاع دا .
