يا ترى لو أنت حابب تحوش فلوسك في البنوك واخترت تعمل شهادة ادخار بمبلغ 200 ألف جنيه، العائد بتاعها هيكون كام، وإزاي تعرف تحسب العائد من غير ما أرجع للبنك أو محاسب من بره، "بانكير" هيرد عليك في الفيديو ده.
كتير من عملاء البنوك بيفضلوا يعلموا شهادات إدخار، وأغلبهم بيتجه للبنك الأهلي لأنه صاحب تاريخ وسمعة كويسة وكمان العائد بتاع شهاداته كبير بالمقارنة ببنوك تانية، لكنهم بيحتاروا في حساب العوايد بتاعتها.
بص يا سيدي، لو حضرتك اخترت شهادة ادخار البنك الأهلي الثابتة، وحطيت فيها مبلغ 200 ألف جنيه، فالعائد الثابت بتاعها هيكون نسبة الـ21.5%، وكمان بتصل مدة الاستثمار فيها ل 3 سنوات.
يعني في حالة استثمار مبلغ بقيمة 200 ألف جنيه على 3 سنين، هيبقة إجمالي العائد 129 ألف جنيه في الفترة دي.
أما لو حضرتك اخترت شهادة ادخار البنك الأهلي البلاتينية، فالعائد السنوي بتاعها هيكون نسبة 27%، وكمان متاح إن حضرتك تاخد عائد شهري منها بنسبة 23.5% عن طريق عملية حسابية صغيرة، وهي انك تحسب قيمة العائد من خلال ضرب قيمة المبلغ 200 ألف جنيه في عائد الشهادة الثابت 27%، وبعد مده تقسمه الناتج على 100، عشان ابقى قيمة الناتج السنوي 45000 جنيه سنويا.
والشهادة البلاتينية بتنفرد بمجموعة من المزايا، واللي منها إن مدة الادخار فيها بتبقى 3 سنين، كمان العائد بتاعها ثابت طول مدة الشهادة، وكمان تقدر تحسب العائد من الشهر التالي لشهر الشراء.
ومش بس كده، ده الحد الأدنى لشراء شهادة الادخار 1000 جنيه بس ومتاح مضاعفاتها، وممكن تستثمر فيه لمدة 3 سنين.
ضيف على ده، إن الشهادة دي بيتم صرف العائد بتاعها كل شهر، ونسبته بتوصل لـ 21.5%، وكل اللي بيحصل ده هو من أهم أهداف البنك الأهلى عشان يكسب ثقة عملائه.
ومن أهداف البنك كمان عشان يعزز الثقة مع عملائه، إنه قرر يزود حدود الصرف على بطاقات الائتمان الخاصة به بالعملة الأجنبية خارج مصر، عشان توصل لأعلى شريحة بإجمالي 300 ألف جنيه.
ومش بس كده، البنك الأهلي كمان قرر يزود حدود الصرف على البطاقات الائتمانية بالعملة الأجنبية بدون سفر عشان توصل أعلى شريحة ل 100 ألف جنيه.
وكمان زود قيمة المبالغ المتاح بيعها نقدًا لعملائه المسافرين عشان توصل إلى 5 آلاف دولار وفقًا لشرائح العملاء.
فمن الواضح إن البنك الأهلى بيتفنن في جذب العميل له بأي طريقة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
