الجمعة 10 يناير 2025 | 01:43 صباحاً
الإعلامي مصطفى بكري
انتقد الإعلامي مصطفى بكري عضو مجلس النواب، ارتفاع الأسعار، مطالبا الحكومة بمواجهتها «بكل قوة ويد ثقيلة».
وتساءل خلال برنامجه «حقائق وأسرار» المذاع عبر شاشة «صدى البلد» مساء الخميس، عن أسباب ارتفاع سعر الأرز بنسبة 12%، مستنكرًا وصول سعر الكيلو إلى 34 جنيها.
ارتفاع أسعار الأرز في مصروقال: «إحنا ما بنفقدش الثقة، إحنا بنتحمل مع بلدنا كل مشكلة وكل أزمة؛ لكن بنطلب من الدولة مواجهة غلاء الأسعار بكل قوة، النهارده الأرز ارتفع 12%، ليه بتعملوا كده؟ ليه التجار دي بتعمل وتستغل كده؟».
ووجه بكري، انتقادات لاذعة للتجار، قائلا: «النهارده أروح أشتري كيلو الأرز بحوالي 32 أو 34 جنيها، بأي منطق؟ من أنتم، ومين اللي بيمنحكم الفرصة دي؟ فين الأجهزة الرقابية علشان تراقب، وتأخذ إجراءات عنيفة ضد هؤلاء؟».
وطالب بوضع حد لما وصفه بـ «الهيصة» السائدة في الأسواق، رافضاً ترك الأمور لأهواء التجار، قائلا: «إحنا فعلا محتاجين ليد ثقيلة وقوة تلم الهيصة اللي موجودة دي، أي حد بقى بيرفع الأسعار براحته، أي حد يعمل أي حاجة براحته، لأ، ما تسيبوش الدولة تفك، وكل واحد يشتغل بمزاجه ويغلي السعر بمزاجه؛ ما ينفعش».
تقييم لكل المسؤولين
ونقل عن الرئيس السيسي قوله إن جميع المسئولين «كبيرا أو صغيرا»؛ سيخضعون للتقييم بعد 6 أشهر، مضيفا: «إحنا يا ريس بنطالب بالتغيير للأفضل، اللي ما بيشتغلش يروح ويتكل على الله، واللي قاعد ومتكل إلى ما بعد الانتخابات يراجع نفسه، الرئيس قال بعد 6 أشهر، والكل سيتم تقييمه».
