مش مجرد ساحل وشواطئ وترفيه الحكاية اكبر من كده بكتير .. ايه اللي بيحصل في الساحل الشمالي المصري كله وايه المشروع الجديد اللي هيغير خريطة السياحة في مصر والمنطقة .. يالا بينا نشوف اللي حصل واللي بيحصل دلوقتي هناك تابعونا للآخر وهتعرفوا التفاصيل في الفيديو ده .
الساحل الشمالي من أهم مشروعات مصر للعبور الاقتصادي الضخم وهو مشروع للمستقبل بسبب ضخامته وكمية الفرص اللي فيه والاستثمارات اللي هتضخ فيه الفترة الجاية وغير اللي اندفعت في صفقة رأس الحكمة الإماراتية وباقي المشروعات في العلمين الجديدة ورغم أن المشروعات في الساحل الشمالي لسه بكر وفيه كتير منها ماخلصش بالشكل النهائي لكن المدينة والمنطقة بقت حديث العالم وفيه ملايين من السياح بيجو الساحل الشمالي المصري وفيه عشرات الشركات العالمية وبراندات الفنادق والتسوق الدولية قررت تبني مشاريع ليها في المنطقة واللي بقت رقم واحد في حوض المتوسط واتحطت على خريطة شركات السياحة العالمية.
مع حجم الاستثمارات والمشروعات تقدر تتخيل منطقة الساحل كلها هتبقي ازاي وهتدخل كام مليار دولار في السنة وهتشغل كام الف مواطن مصري وهتفتخ بيوت قد ايه لأنه زي ما قلنا الساحل الشمالي مش مجرد شاطئ وهوا عليل لكن دا مجتمع اقتصادية ومالي ضخم بيقوم في المنطقة هيخلي مصر غول سياخي واقتصادي في المنطقة كلها وكل مشروع هيوسع الطريق لمشروع تاني وكل مستثمر هيجي هيجيب وراه عشرين مستثمر وهكذا وعشان كده الدولة اهتمت جدا بمنطقة الساحل الشمالي واعلنت عن خطط ضخمة تتناسب مع حجم المشروعات في المنطقة وعقدت صفقات كتير مع شركات عالمية جاية تستثمر في الساحل الشمالي أو العلمين الجديدة ومطروح.
آخر المشروعات اللي بتهدف لتحويل الساحل الشمالي لأهم مقصد سياحي وترفيهي وتسويق في العالم هو المشروع اللي اعلنه المهندس شريف الشربيني وزير الإسكان والمرافق والمجتمعات العمرانية الجديدة، وهو إقامة بحيرات ضخمة خلف الطريق الساحلي الدولي لتنمية المنطقة بالكامل وقال كمان إن الساحل الشمالي هيبقى أهم مورد للدولة من العملة الصعبة خلال الفترة الجاية وطبعا دا كلام كبير لأن دا معناه أن الساحل الشمالي هيجيب إيرادات اكتر من قناه السويس والسياحة وتحويلات المصريين كمان لانه يعتمد على الضخ المستمر للاستثمارات وعلى العوايد من المشروعات ومش عاوزين ننسى أن الحكومة ليها 38% من عوايد مشروع رأس الحكمة واللي هيبدأ العمل الرسمي فيه خلال أكتوبر اللي جاي بأربعين ألف فدان كمرحلة أولي .
نرجع لوزير الإسكان واللي اتكلم عن المشروع الجديد والبحيرات اللي هيعملها والتشجير وغابات النخيل واللي هيتم إسناد الأعمال بتاعتها على المكاتب الاستشارية العالمية لتنفيذ مشروعات تتناسب مع حجم التنمية بالساحل الشمالي.. الخلاصة أن اللي بيحصل في الساحل الشمالي والهجوم الاستثماري عليه واللي خلي مصر تحتل المركز الاول في المقاصد السياحية في افريقيا في احدث تصنيف هيكون بمثابة بوابه خير وتنمية وهتغير شكل الاقتصاد الوطني للأبد.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
