خلال الشهور الأخيرة الحال انقلب راسا على عقب فى سوق صرف العملات الأجنبية فى مصر.. وبعد ما الدولار كان سجل مستويات فوق ال 70 جنيه رجع حاليا لمستويات بتتراوح ما بين 48 و49 جنيه.. فيا ترى ايه اللى بيحصل فى سوق الصرف ؟ وايه صير الدولار من دلوقتى ولنهاية 2024 ؟ وليه التوقعات كلها رايحة فى سكة هبوط كبير لسعر العملة المريكية ؟ وهل ممكن فعلا الجنيه يسترد جزء كبير من قوتة المفقودة؟
لغاية يوم 6 مارس اللى فات سوق صرف العملات الجنبية فى مصر كان مليان فوضى وتضارب واشاعات وكانت السوق السودا للعملة فى أعلى درجات نشاطها لدرجة ان سعر الدولار عدا ال 70 جنيه وناس كتير كانت بتراهن ان سعر العملة المصرية هيتخطى الـ 100 جنيه ووقتها كان فيه أزمة عنيفة فى توافر الهعملة الأمريكية والبنوك كانت بتواجه صعوبة كبيرة فى توفير التمويل اللازم للشركات والمستوردين وبالتالى كانوا بيلجأوا للسوق السودا وده كان خلا فيه مضاربة على سعر الدولار وكل واحد كان بيبيع بسعر مختلف وكان عندك مثلا سعر دولار العربيات غير سعر دولار الدهب غير سعر دولار الأجهزة الكهربائية
طب ايه اللي حصل خلص على الفوضى دي وأعاد الهدوء من جديد لسوق الصرف؟
بص يا سيدي فى 6 مارس اللى فات البنك المركزي تحرك وبقوة وخدت اجراءات حاسمة عشان يسيطر على الفوضى دي وكان من بينها تحرير سعر صرف الجنيه امام العملات الجنبية وترك تحديد سعره بناء على قوانين العرض والطلب بالاضافة كمان لرفع اسعار الفايدة 600 نقطة اساس مرة واحدة للسيطرة على لاتضخم وبعد القرارات دي انهارت السوق السودا وسعر الدولار بقا سعر واحد ومعتمد وهو السعر الرسمي اللى بيباع بيه فى البنوك المصرية وشركات الصرافة المعتمدة من البنك المركزي واختفت تمامام وبصورة نهائية السوق الموازية للعملات ومبقاش فيه مضاربات على العملة وسعر الدولار استقر وبقينا بنتكلم فى سعر من 48 الى 49 جنية
طب وايه توقعات مستقبل الدولار خلال الفترة الجاية ؟
بناء على قرارات مارس فى البنك المركزي حصلت تطورات ايجابية مهمة جدا أولها ان القطاع لامصرفي استعادة ثقة المصريين فىالخارج وتحويلات المصرين رجعت تقريبا لمعدلاتها الطبيعية قبل الزمة ومتوقع انها تفع أكتر كمان ودخل مصر فى لافترة الخيرة استثمارات أجنبية مباشرة بميلارات الدولارات كان اهمها طبعا صفقة تطوير راس الحكم مع الامارات والصفقة دى وحدها دخلت لمصر 35 مليار دولار مش بس كده تم توقيعا اتفقايات مع دول عربية واجنبية هتضخ استثمارات بليارات الدولارات
وكمان صندوق النقد زود اتفاقه مع مصر على برنامج التمويل من 5 الى 8 مليار دولار والاتحاد الوربي هو كمان هيدعم مصر بحوالى من 7 الى 8 مليار دولار وكل ده عمل وفرة فى النقد الجنبية وخلا المعروض من الدولار يزيد والبنوك تقدر توفر الكميات المطلوبة من العملة الأمريكية
وعشان كده كل التوقعات بتقول ان الجنيه هيسترد جزء كبير من قيمته وسعر الدولار متوقع يتراجع بشكل ملحوظ
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
