الأوقاف تفحص منشورا عن خطيب جمعة فضح خادمة على علاقة بصاحب منزل بكمبوند شهير

أثار منشور متداول على فيسبوك جدلا واسعا عن خطيب جمعة فضح خادمة على علاقة بصاحب منزل في كمبوند شهير على المنبر.

خطيب جمعة يفضح خادمة على علاقة بصاحب منزل 

وكتب صاحب المنشور، واسمه على الفيس Mohamed Osman: "النهاردة كنت بصلي الجمعة في الكمبوند، المهم قاعد في المسجد موطي رأسي وبسبح وبسمع الخطبة، وإذا بالخطيب يقول إيه بقى، قابلتني الصبح سيدة تعمل في إحدى البيوت هنا، وبتقولي يا سيدنا الشيخ أنا الراجل صاحب البيت بيعمل "كذا" معايا وبقى موضوع دائم. هنا أنا اتفزعت، نهار أبيض مبنقولش كده، أنت بتقول إيه، ويكمل القصة وهو أقنعني يا عم الشيخ ان ده حلال وإني ما ملكت ايمانه.

يا ليلة كحلي.. الميكروفانات شغالة في الكمبوند كله. خلاص يابا استر ع الراجل الله يسترك، مبيسكتش ومكمل، فا انا يا عم الشيخ كده انا في الحلال ولا الحرام!! حرام طبعا يا ستي هو احنا في الجاهلية ولا ايه!! انت اكيد سامعني قولا واحدا هذا حرام".

وأضاف كاتب المنشور "الله يباركلك يا عم الشيخ، مش هو بس اللي سمعك.. ده كل الستات في البيوت سمعتك ومفيش واحده مش هتعمل تحليل النهارده لجوزها والست اللي بتساعدها في البيت".

واختتم بقوله "بارك الله فيك يا عم الشيخ طلقت كل سكان ماونتن فيو".

ووفقا لمصدر بوزارة الأوقاف فقد تم تشكيل لجنة؛ لفحص المنشور، وحال التأكد من صحته، فسيتم اتخاذ الإجراءات اللازمة؛ لأن المنابر ليست للحديث عن هذه الأمور، ولكنها لتوعية الناس بأمور دينهم وأحكام الشريعة.

تابع أحدث الأخبار عبر