ايه هي الفلوس اللي في البنوك دي بتروح فين وإزاي البنوك بتتصرف فيها وإلأرقام الاخيرة بتقول إيه وسر التريليون ونص جنيه اللي بتلف في البنوك.. تعالي نشوف بيحصل فيها إيه.. تابعونا للأخر
البنوك زي ما احناعاوزين بمختلف أشكالها الحكومية والخاصة والتجارية مهمته في الأول والاخر هي الربح من خلال تقديم خدمات مصرفية للممواطنين والشركات والهئيات والمجتمع وبتعتبر الذراع المالي في كل القطاعات الاقتصادية في أي بلد ومن بينها مصر واللي عندها نظام مصرفي عريق جدا وقديم ومحترف وكان ليه الفضل الكبير في مساندة الاقتصاد المصري والدولة بفضل قوته ومرونته وتعامله مع الأزمات.
أخر أرقام بتقول إن أرصدة قروض البنوك سجلت أكتر من 1.5 تريليون جنيه خلال أول سبع شهور من سنة 2024 وبنمو بلغ 15%.، وحسب البيانات ارتفعت قروض البنوك إلى 11.6 تريليون جنيه بنهاية يوليو الماضي، مقابل 10.09 تريليون جنيه بنهاية ديسمبر 2023.
وحققت قروض القطاع الخاص أكبر نمو تاريخي ليها في أول سبع شهور ووصلت إلى 2.48 تريليون جنيه بنهاية يوليو اللي فات، مقابل 2.04 تريليون جنيه بنهاية العام الماضي، بزيادة 435.7 مليار جنيه، وبنمو تجاوز 21% حسب بيانات البنك المركزي المصري.
خبراء البنوك فسرو القفزة في الأرصدة دي بسبب تحرير سعر صرف الجنيه ورفع قيمة محافظ قروض القطاع الخاص بأغلب البنوك وغير إن فيه شركات خاصة استمرت في طلب تمويلات وقروض من البنوك رغم ارتفاع تكلفتها أو فايدتها ومعظمها في القطاع العقاري والإنتاج الغذائي ودا كان سبب مباشرة لارتفاع أرصدة القروض.
ولسه معاكم والأرقام اللي بتقول كمان إن قروض الأفراد زادت الى 1.05 تريليون جنيه بنهاية يوليو الماضي، مقابل 940 مليار جنيه بنهاية 2023.
طيب دا معناه إيه؟
أول حاجة طالما ارصدة القروض في الببنوك وهي الفلوس اللي بتسلفها للشركات والافراد مقابل فايدة زادت ولسه بتزيد رغم سعر الفايدة يبقي أكيد الاقتراض هيقفز بشدة مع اتجاه المركزي المصري لخفض سعر الفايدة وبالتالي تقليل تكلفة القروض على الشركات والافراد وتاني حاجة بتشاور عليها الارقام هي قوة السوق المصري والحاجة لطلب تمويلات.
وفلوس القروض دي سواء للأفراد أو الشركات بيكون الهدف منها هو الاستثمار في الاغلب أو عمل مشروع خاص أو استخدامها في تمويل نشاط اقتصادي بالفعل ودا مؤشر زي ماقلنا على انتعاش الأسواق والمشروعات خلال الفترة دي ومتوقع طبعا إن الانتعاشة دي هتزيد بشكل كبير جدا بعد خفض الفايدة والزيادة المتوقعة في الاقراض.
طيب البنوك بتكسب إيه من القروض؟
عشان نبقي عارفين البنوك عبارة عن آلة بتدور فيها الفلوس وبتاخد منك وديعة أو حساب جاري وبتديها في هيئة قروض لشركات وافراد تانيين مقابل فايدة والفايدة دي بقي هي مكسب البنك.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
