أكد الإعلامي مصطفى بكري، أن الدولة تتعرض إلى أزمة أسبابها متعددة، مشيرا إلى أنه لا يوجد خيار إلا الوقوف مع الدولة ومساندتها.
وقال بكري خلال برنامج "حقائق وأسرار" المذاع على قناة "صدى البلد": "أنا عارف أن الناس تعبانة وعارف حجم المعاناة الرئيس مش بعيد عننا بيتابع وبيسعي وبيحاول ولكن الظروف أكبر من التمنيات والأمنيات أي ملاحظات الناس بتقولها ليها حق فيها ومحدش يقدر يلوم الناس ولكن كمان إحنا بنواجه مشاكل كبيرة".
وأضاف: "بلدنا قدامها وخلفها وبجوارها مشاكل على كافة الاتجاهات بلدنا بتعاني وشعبنا بيعاني ولكن عمر ما شعبنا فقد الأمل شعبنا صبور وصابر شعبنا واعي، وعارف إيه المطلوب من مصر ومهما عملوا ومهما حاولوا مصر عمرها ما هتفرط في دورها ولا أمنها القومي".
وتابع: "الرئيس بيتحمل كتير ممكن هناك أشياء مبنعرفهاش وهو مبيتكلمش عليها ولكن كان الله في عونه في ظل اللي بيحصل، إحنا شايفين المحرضين مش قليلين والفسدة مش قليلين واللي بيحرضوا في العلن والسر ناس معروفة وناس مش معروفة".
وواصل: "في ذمم اتخربت عند البعض وفي ناس انتشرت وتأمرت على هذا البلد برة وجوة، الفتاوي الباطلة اللي بتحرض على سرقة المال العام دا موضوع مش قليل الكلام دا ميتقالش ولا يتردد إحنا لسة بنعاني من تداعيات الفوضى اللي تلت أحداث 25 يناير".
واختتم: "أكتر من 450 مليار دولار فقدناها والدولار كان بخمسة جنيه في الوقت ده وصل 50 جنيها بسبب تداعيات اللي حصل والأزمات اللي عشناها والمشاكل اللي جات لنا من برة وتراخي البعض".
