شقق الاسكان الإجتماعي واحدة من اهم الحاجات اللي اغلب فئات الشعب في انتظار قرار الاعلان عن موع طرحها، والمصاريف بتاعتها هتوصل لكام.. خلاص الخبر وصل والدولة اعلنت عن الموعد النهائي لطرح شقق الاسكان.. لو عايز تعرف كل تفاصيلها شوف الفيديو ده للاخر .
من فترات بعيدة واغلب الناس مستنين قرار الحكومة لفتح التقديم علي شقق الاسكان الإجتماعي، وامتي الموعد اللي الناس تقدر تقدم في الأعلان الجديد، خصوصا أن شقق الاسكان الإجتماعي واحدة من أهم الخدمات اللي بتقدمها الحكومة لكل طوائف الشعب المصري بسبب ان الرسوم المطلوبة لها بتكون في متناول اغلب طوائف الشعب المصري وبيكون تقسيطها علي فترات طويلة يقدر كل الناس تحصل عليه بمنتهي السهولة.
طيب اية الجديد في موضوع شقق الإسكان الاجتماعي والطرح الجديد؟.
المهندس شريف الشربيني وزير الإسكان والمرافق والمجتمعات العمرانية، اعلن عن بشرى سارة للمواطنين، في المؤتمر الصحفي اللي عقده في مقر الوزارة بالعاصمة الإدارية الجديدة، وأعلن عن طرح طرح 70 ألف وحدة سكنية لمنخفضي ومتوسطي الدخل بالمبادرة الرئاسية سكن لكل المصريين خلال الشهرين اللي جايين وتحديدا في شهر نوفمبر اللي جاي، وهيكون منهم منها 60 ألف وحدة لمنخفضي الدخل، و10 آلاف لمتوسطى الدخل، بمناطق مختلفة، وقال أن كل التفاصيل هيتم الإعلان عنها في الوقت القريب اللي جاي.
طيب اية ظروف الناس اللي حاجزة في مشروعات الإسكان اللي فاتت وامتي موعد التسليم النهائي لهم؟.
المهندس شريف الشربيني وزير الإسكان كمل كلامه وقال أنه تم وضع خطة عمل متكاملة لإنهاء وتسليم الوحدات السكنية المطروحة بالإعلانات السابقة للمبادرة الرئاسية سكن لكل المصريين، علشان الدولة تتدارك أى تأخير فى مواعيد التسليم، واكد كمان أن تسليم الوحدات للمواطنين هيكون في مجتمعات سكنية مكتملة المرافق والخدمات ومفيش اي مواطن هيستلم اي وحدة سكنية مش منتهي التنفيذ وكامل المرافق من مياة وصرف صحي وغيرها من الخدمات الاساسية الي بيحتاجها كل مواطن .
وزير الأسكان كمل كلامه وقال أنه هيتم وضع خطة عمل مكثفة لإنهاء وتسليم الوحدات السكنية بمختلف أنواعها بالمدن الجديدة لحاجزيها، وقال كمان أن التسليم هيكون بأعداد كبيرة من الوحدات وهيكون كل 3 شهور بحد أقصى، وهيتم الانتهاء تباعاً من تسليم جميع الوحدات اللي سبق طرحها بمختلف المشروعات لحاجزيها من المواطنين خصوصا ان في عدد كبير من الشقق السكنية تاخر تسليمها للمواطنين .
وزير الاسكان اختتم كلامه وقال أنه في خطة للإتاحة المباشرة للوحدات السكنية بأنواعها المختلفة من خلال أجهزة المدن، وهيتم الإعلان عن تطبيق الآلية الكاملة لاتاحة الوحدات السكنية في مجموعة من المدن الجديدة في شهر أكتوبر اللي جاي، خصوصا أن الألية بتاع تسليم الوحدات السكنية الجديدة حققت نجاح كبير فى المدن اللى طبقت فيها فيها في الفترات اللي فاتت، وحاليا الوزارة هتبدا تعيد تطبيق التجربة .
