اللي متابع اسعار الدهب هيعرف ان المعدن الأصفر سجل ارتفاع باكتر من 100 جنية في اقل من 5 أيام خصوصا انه كان بدأ رحلة الهبوط ولكن رجع وزاد وبقوة.. يا تري اية اسباب الارتفاع ده.. ومتوقع عيار الدهب يوصل لكام في المستقبل .
قالوا زمان عن الدهب أنه زينة وخزينة، وان صاحبه دائما كسبان ومفيش حد احتفظ بيه وصانه وخسر من وراه وكل اللي عرف طريقة بيقول أن الملاذ الآمن لاي استثمار وانه علي طول كسبان، خصوصا أن اسعار الدهب في السنتين اللي فاتوا تضاعفت مرات المرات واللي عندهم ذهب دولوقتي حققوا مكاسب كبيرة من الاستثمار فيه.
طيب اية اللي حصل في سوق الدهب في اليومين اللي فاتوا؟.
في خلال الكام يوم اللي فاتوا كل الناس قالت أن الدهب هيرجع ينخفض تاني خصوصا أنه من بداية النصف التاني من العام الحالي وهو طالع وكل يوم سعره بيزيد، خصوصا أن كل الخبراء قالوا ان الفترة دي مفيش اقبال كبير علي شراء المشغولات الذهبية بسبب اتجاه اغلب الناس للمصايف والهروب من ارتفاع حرارة الجو الي البحار والمناطق السياحية، ده غير أنشغال جزء كبير من الشعب المصري بتقديمات المدارس والجامعات والدورس الخصوصية.
مفيش كام يوم من الأنخفاض في اسعار الدهب وخصوصا في عيار 21 واللي هو معروف عنه انه الاكتر انتشارا في الاسواق خصوصا في محافظات الصعيد والقري والمناطق بالارياف، وخلال الـ3 ايام اللي فاتوا سعر الذهب رجع يرتفع تاني وبقوة اكثر من الأول، وخلاص سعر جرام الدهب عيار 21 قرب يقفل تاني 3500 جنيها للجرام عيار 21.
طيب اية سبب الارتفاع المفاجئ ده في اسعار الذهب بالاسواق؟.
كل خبراء الدهب اجمعوا ان الارتفاع المفاجئ ده في اسعار الدهب بيرجع للتوقعات المنتشرة حاليا عن قرار البنك الفيدرالي الأمريكي في الاجتماع اللي هيعقد الاسبوع الحالي وهيكون في خفض لسعر الفايدة بنسبة 25 نقطة أساس، وده خلي في اقبال عالمي من الناس علي شراء الدهب خصوصا ان كل البنوك بعد القرار ده هتضطر لتخفيف الفايدة علي شهادات الاستثمار، وفي عملاء كتير اول ما سمعوا بالاخبار دي علي طول سحبوا فلوسهم من البنوك واتجهوا لشراء الذهب خصوصا انه هو اللي كساب حاليا، وكل العين عليه، ولسه مع قرب انعقاد اجتماع لجنة السياسات بالبنك الفيدرالي الامريكي اسعار الذهب هترتفع اكثر وهتحقق نبوئه ان سعر جرام الدهب هيوصل لـ4000 و5000 جنيه.
وعشان كده دا أفضل وقت للاستثمار وشراء الدهب وتخزينه قبل ما يفوت الأوان ودا لأن موجة ارتفاع المعدن الأصفر مستمرة لشهور طويلة قدام والخبراء قالوا هيفضل كده لغاية نهاية 2026 يعني لسه الفرصة مرحتش منك.
