من بعد صفقة رأس الحكمة والحكومة مهتمة جدا بجذب استثمارات أجنبية مباشرة تساعد فى حل أزمة نقص العملة الأجنبية وكمان توفير فرص عمل وتشغيل لمئات الالاف من الشباب.. فيا ترى ايه حكاية مشروع "رأس بناس" اللى بتجهز الحكومة المصرية للاعلان عنه الأيام الجاية؟ وهل ممكن يكون زي مشروع رأس الحكمة ؟ ومين الشركات اللي هتنفذه؟
وفقا لوزير الاسكان والمجتمعات العمرانية شريف الشربيني .. فى الكام شهر اللى فاتوا المسئولين فى وزارة الاسكان بدأت وضع مخطط استثماري لمنطقة "رأس بناس" على البحر الأحمر بهدف طرحها على شركات القطاع الخاص لتطويرها بنفس طريقة على غرار مشروع "رأس الحكمة"
طب ايه هى “رأس بناس” دي ؟ وأيه أهميتها عشان الحكومة تعتبرها زي رأس الحكمة؟
رأس بناس دي يا سيدي بيطلق عليها مالديف مصر وهي عبارة ميناء ومنطقة سياحية وشبه جزيرة تمتد داخل البحر الأحمر..والمنطقة دي موجود فيها أكبر تجمع للشعاب المرجانية فى مصر وبتضم كمان العديد من نقط الغوص وأماكن الشعاب العالمية زي منطقة شعاب سطايح ومنطقة شعاب مالك وكذلك منطقة بيت الدلافين وبعض الجزر الصغيرة
طب “رأس بناس” مكانها فين بالظبط؟
منطقة رأس بناس السياحية موجودعلى ساحل البحر الأحمر وهي شبه جزيرة تحيطها المياه من الشمال والجنوب والشرق وتقع جنوب مرسى علم وبيبعد موقعها عن مدينة الأقصر 356 كيلومتر.. وهى قريبة من الأماكن الأشهر سياحياً فى البحر الأحمر زي محمية وادى الجمال وخليج القلعان وشاطئ حنكوراب أو شرم اللولى المصنف ضمن أجمل 10 شواطئ فى العالم وكمان جزر حماطة ووادى الجمال.
وبيمتد لسان راس بناس بطول 50 كيلو داخل مياه البحر الأحمر وحاليا مفيش على طول المسافة دي إلا 3 قرى بسيطة للصيادين هى (سطايح وراس بناس و أم هشيمة).. ووبتتميز منطقة رأسبنا بأنها منطقة بكر ممكن وتكون المنطقة السياحية الأكبر في مصر لو تم استغلالها بشكل سليم وتم تطويرها بحيث تكون منطقة سياحية مالهاش مثيل فى الشرق الوسط
وبيبدأ الطريق لمنطقة رأس بناس من طريق مرسى علم- برنيس الساحلى الموصل حتى الشلاتين وقبل قرية برنيس بـ 20 كيلو متر على شكل مدق بطول 50 كيلو متر داخل لسان وشبه جزيرة رأس بناس، مروراً بالقرى الـ 3 وكذلك محطة للإرسال التليفزيونى
طب مين اللى هيتولى أعمال التطوير فى رأس بناس ؟
لحد دلوقتى الدولة ما استقرتش على الجهة أو الدولة اللى هتتولى أعمال التطوير فى المشروع وهل تكون دولة عربية زيما الامارات خدت راس الحكمة ولا ممكن تدخل فيها صناديق استثمار عالمية لكن الأقربان يتم اسناد ادارة المشروع لدولة عربية فى ظلرغبة السعودية والامارات والكويت وقطر في الفوز بالصفقة المنتظرة .. وخد بالك المشروع دهمشروع ضخم جدا وهتشارك فى اعمال تنفيذه شركات عقارية مصرية
