يا ترى امتى البنك المركزي ياخد القرار المنتظر؟ وايه تأثيره على الأسواق وحجم الاستثمارات؟وليه صناع السياسة النقدية مش مستعجلين على القرار المهم ده ؟
من دلوقتى ولحد نهاية 2024 المفروض لجنة السياسة النقدية بالبنك الركزي هتعقد 3 اجتاماعت للنظرفى اسعار الفايدة .. الاجتماع الاول هيكون فى 17 اكتوبر والتانى 21 نوفمبر والتالت 26 ديسمبر
طب هل ممكن خلال الاجتماعات التلاتة اللجنة تخفف السياسة التشددية فى التعامل مع التضخم ونبدأ نشوف تخفيض لسعر الفايدة فى مصر؟
أول حاجة لازم تعرفها ان قرار رفع الفايدة ده واحد من اصعب وأرخم القرارات اللى ممكن يضطر ليها صناع السياسة النقدية وده لأن كل اارتفاع في سعر الفايدة بيزود الضغط على المالية العامة وكمان بيثقل كاهل الدولة بأعباء جديدة على الديون لأن علميا الدولة هى أكبر مقترض من البنوك ورفع سعر الفايدة معناه ارتفاع فى حجم الديون المحلية
بس زي ما بيقولوا فى الأمثال “ما باليد حيلة” و “المضضطر يركب الصعب” وده لأن رفع اسعار الفايدة واحد من الأدوات المهمة اللى بيملكها البنك المركزي للسيطرة على التضخم اللى سجل مستويات قياسية فى اخر سنتين ووصل الى معدلات غير مسبوقة فى مصر .
ومن بعد الغزو الروسي لاوكرانيا وتداعيات الحرب هناك على سلاسل الامداد واسعار الغذاء والفجوة التمويلية الكبيرة اللى نتجت عن ده اضطر صناع السيساة النقدية فى البنك المركزي لرفع اسعار الفايدة بحوالى 19% والهدف هو السيطرة على التضخم وادرا السيولة بشكل مثالى ووقف الارتفاع الجنوني فى اسعار بعض السلع اللى تضاعفت ب 10 اضعاف سعرها قبل ما يحصل اللى حصل فى فبراير 2022
ونيجي لاجابة السؤال الأهم .. هل ممكن المركزييخض الفايدة فى 2024 ؟ .. أغلب التوقعات بتقول ان لجنة السياسة النقدية هتثبت سعر الفايدة فى الاجتماعات الباقية السنة دي وان لو فيه تخفيض ممكن يحصل لأسعار الفايدة فده هيكون فى الربع الول من 2025 فى احسن السيناريوهات وده لأن التضخم فى مصر لسه برضوا مرتفع ومتوقع يحصل فيه زيادة طفيفة بعد الاعلان عن زيادة اسعار شرايح الكهربا والبنزين والسولار وتذار القطارات والمترو
طب وايه أهمية تخفيض الفايدة بالنسبة لاقتصاد البلد؟
رفع اسعار الفايدة معناه ان الناس بتجرى تروح تحط فلوسها فى البنوك عشان تستفيد من معدل الفايدة المرتفع وده معناه ان محدشهيشغل الفلوس بتاعته فى مشروعات ولا يوفر فرص عمل جديدة لأن مفيش استثمار ممكن يحقق لصاحبه ارباح تقترب من ال 30% من غير ما يدفع لا ايجار مقر ولا مرتبات موظفين ولا فواتير مياه ولا كهربا ولا ضرايب
وعشانم كدهكل ما قلت اسعار الفايدة كل ما فرصة الاستثمار زادت وكل ما عجلة الانتاج دارت بشكل أسرع ..وده يفسرلك ليه كل الناس منتظرة قرار لجنة السياسات النقدية بتخفيض سعر الفايدة على الايداع والاقراض
